Share

Dolffin trwyn potel

Y dolffiniaid trwyn potel yn nyfroedd Prydain yw’r rhai mwyaf o’u bath – maen nhw angen gallu ymdopi â’n dŵr oer ni! Dyma greaduriaid cymdeithasol iawn ac maen nhw’n fwy na pharod i nofio ochr yn ochr â chychod, gan ddarparu profiad bywyd gwyllt rhyfeddol i’r bobl ar y cwch.

Enw gwyddonol

Tursiops truncatus

Pryd i'w gweld

Ionawr - Rhagfyr

Species information

Ystadegau

Hyd: hyd at 4 m
Pwysau: 500 kg
Yn byw ar gyfartaledd am: 45-50 mlynedd

Statws cadwraethol

Mae wedi’i warchod yn y DU o dan Ddeddf Bywyd Gwyllt a Chefn Gwlad, 1981, wedi’i restru o dan CITES Atodiad II a’i ddosbarthu fel Rhywogaeth Flaenoriaeth o dan Fframwaith Bioamrywiaeth Ôl-2010 y DU. Hefyd mae wedi’i warchod o dan Reoliadau Cadwraeth (Cynefinoedd Naturiol, ac ati) (Gogledd Iwerddon) 1995

Ynghylch

Dolffiniaid trwyn potel yw ein dolffiniaid mwyaf cyfarwydd a’r rhai rydych fwyaf tebygol o’u gweld o draethau Prydain. Y dolffiniaid yma yw’r dolffiniaid trwyn potel mwyaf yn y byd – mae eu maint yn eu helpu i ymdopi yn ein dŵr oer ni. Y llefydd gorau i’w gweld yw Moray Firth yn yr Alban, Bae Ceredigion yng Nghymru ac arfordiroedd Cernyw, Northumberland a Gogledd Cymru. Maen nhw’n anifeiliaid cymdeithasol iawn ac i’w gweld yn aml mewn grwpiau bach o hyd at 15 o ddolffiniaid. Maen nhw wrth eu bodd yn neidio allan o’r dŵr ac yn fwy na pharod i ddod at gychod a syrffio yn y tonnau mae’r cwch yn eu creu. Pysgod yw eu bwyd ac maen nhw’n gweithio fel tîm yn aml i hela.

Sut i'w hadnabod

Dolffin byrdew, llwyd cymharol blaen, yn dywyllach ar y rhan uchaf ac yn oleuach ar y rhan isaf. Mae ei big yn fyr a thew ac asgell ei gefn yn fawr a siâp cryman, wedi’i marcio gyda rhiciau a chrafiadau yn aml. Mae dolffiniaid trwyn potel i’w gweld yn agos at y lan yn aml, ar eu pen eu hunain neu mewn grwpiau bach. Cadwch lygad am dasgu afreolus a bylchu’r tonnau – a pheidiwch â synnu os byddant yn dod at eich cwch i weld pwy ydych chi!

Dosbarthiad

I’w weld ledled y DU, ac yn gyffredin yn y Moray Firth, Bae Ceredigion ac oddi ar arfordir Cernyw.

Roeddech chi yn gwybod?

Mae posib adnabod dolffiniaid trwyn potel unigol oddi wrth y partrwm unigryw o farciau a rhiciau ar asgell eu cefn – yn debyg iawn i olion bysedd! Wedyn gellir tracio dolffiniaid yn ystod eu hoes gan ddefnyddio lluniau o’u hesgyll yn unig.