Cofnodi Bywyd Gwyllt

Pam cofnodi bywyd gwyllt?

Mae cofnodion bywyd gwyllt yn cael eu defnyddio’n lleol i ddarparu sail ar gyfer ceisiadau cynllunio ac fe allan nhw chwarae rôl hanfodol bwysig wrth dynnu sylw at hanes biolegol safle.  Pan gynigir safle ar gyfer ei ddatblygu, mae ymgynghoriaethau ecolegol a’r awdurdod cynllunio lleol yn defnyddio cofnodion bywyd gwyllt.

Mae’r data rydych chi’n eu casglu’n gallu ein helpu i ddarparu sail ar gyfer gwneud penderfyniadau, addysgu’r gymuned a chynnal ymchwil i rywogaethau a chynefinoedd pwysig.  Trwy gyflwyno’ch cofnodion, fe allwch chithau wneud gwahaniaeth mesuradwy i’n dealltwriaeth o wasgariad rhywogaethau sydd, yn ei dro, yn galluogi cynhyrchu adroddiadau blynyddol ac atlasau bridio neu aeafu.

Os ydych chi eisiau cyfrannu mwy fyth at ein gwaith cofnodi, fe allwch chi fynd i’n tudalen gwirfoddoli i arolygu i ddysgu mwy.